Björgunarsveitin Hérað var þrisvar sinnum kölluð út í gærkvöldi til að bjarga ferðamönnum á Jökuldal og Háreksstaðaleið. Útköllin tóku samanlagt um fimm klukkutíma.
Pósturinn vinnur nú að samræmingu á staðsetningu bréfakassa í dreifbýli. Í tilkynningu frá fyrirtækinu segir að 90% póstkassa séu nú þegar rétt staðsettir. Móttökuskilyrði skipta máli fyrir hagkvæmni í dreifingu.
Björgunarsveitin Gerpir í Neskaupstað var í nótt fyrsta björgunarsveitin sem kölluð var út á nýju ári, samkvæmt fréttum frá Slysavarnarfélaginu Landsbjörgu.
Tuttugu nemendur frá tíu þjóðlöndum mæta til Seyðisfjarðar í byrjun marsmánaðar til að taka þátt í tilraunamánuði fyrsta íslenska lýðháskólans. Skólinn byggir á hugmyndum LungA listahátíðarinnar.
Nýsköpunar- og frumkvöðlasetrið Innovit stendur fyrir keppninni um Gulleggið. Markmiðið er að skapa vettvang fyrir athafnafólk til að fá þjálfun og reynslu í mótun nýrra viðskiptahugmynda.
Unnið er að því að koma upp fiskvinnslu á Vopnafirði til að vinna ferskar urðir. Forsprakki hópsins segir mikla spurn eftir fiskafurðum á mörkuðum og samningar um sölu gangi vel. Stefnt er að því að vinnslan taki til starfa strax í janúar.
Hið nýja Polar Amaroq kom til Neskaupstaðar á Þorláksmessu. Skipið er í eigu grænlensks dótturfélags Síldarvinnslunnar og leysir af hólmi eldra skip með sama nafni.
Mikil umsvif eru þessa dagana við Norðfjarðarhöfn sem verið er að stækka. Framkvæmdirnar koma meðal annars til með að gera stærri skipum auðveldara að athafna sig. Verkinu á að ljúka á árinu sem er nýhafið.
Smári Geirsson, framhaldsskólakennari í Neskaupstað, hlaut í dag riddarakross hinnar íslensku fálkaorðum. Ellefu voru sæmdir orðunni af forseta Íslands við hátíðlega athöfn á Bessastöðum í dag. Orðuna hlýtur Smári fyrir framlag sitt til sögu og framfara á Austurlandi.
Félagsmenn í Hestamannafélaginu Blæ á Norðfirði leggjast gegn hugmyndum um blandaða frístundabyggð í nágrenni við félagssvæði félagsins. Hugmyndir hafa verið þar uppi um svæði fyrir frístundafjárbændur.