Ferðum Strætó á milli Akureyrar og Egilsstaða hefur verið fækkað um tvær í viku. Talsmaður fyrirtækisins segir menn vonast til að bæta sætanýtinguna með þessum breytingum. Ferðum verði að líkindum fjölgað aftur í sumar.
Nágrannar í grennd við Strandgötu 14 í Neskaupstað lögðust hugmyndum um að gamla bensínskálanum verði breytt í gististað. Bæjaryfirvöld í Fjarðabyggð ákváðu þrátt fyrir athugasemdir í grenndarkynningu að leyfa starfsemina.
Viðgerð á Vopnafjarðarlínu snemma í morgun en viðgerðarflokkar höfðu verið þar að störfum í tvo daga. Skemmdir á línunni voru mun meiri en í fyrstu var áætlað.
Björgunarsveitin Hérað var þrisvar sinnum kölluð út í gærkvöldi til að bjarga ferðamönnum á Jökuldal og Háreksstaðaleið. Útköllin tóku samanlagt um fimm klukkutíma.
Frestur almennings til að senda inn ábendingar við endurskoðun á umferðarsamþykkt Fjarðabyggðar rennur út á mánudag. Vinna við breytingarnar hefur staðið yfir síðustu mánuði og til að setja sig inn í málið stóð bæjarstjórinn meðal annars umferðarvaktina með foreldrafélagi grunnskólans í Neskaupstað.
Þátttakendum í námskeiðum símenntunarsviðs Austurbrúar fjölgaði um 20% á milli áranna 2012 og 2013 og námskeiðum fjölgaði um 13%. Aukningin er mun meiri en starfsáætlun gerði ráð fyrir.
Öndum á Lagarfljóti hefur fækkað verulega eftir tilkomu Kárahnjúkavirkjun og í einhverjum tilfellum hraðar þar en heldur en öðrum svæðum í nágrenninu. Fækkunin hófst hins vegar um ári áður en vatni var veitt í fljótið úr Jökulsá á Dal. Verri lífsskilyrði í fljótinu kunna hins vegar að valda lengri niðursveiflu en ella.
Tuttugu nemendur frá tíu þjóðlöndum mæta til Seyðisfjarðar í byrjun marsmánaðar til að taka þátt í tilraunamánuði fyrsta íslenska lýðháskólans. Skólinn byggir á hugmyndum LungA listahátíðarinnar.
Gert er ráð fyrir tæplega tólf milljóna króna afgangi af rekstri Djúpavogshrepps á næsta ári. Skuldir sveitarfélagsins hafa lækkað hratt síðustu ár. Sveitarstjórnin telur ástæðu til bjartsýni í ljósi þess að ungt barnafólk hefur sest að í hreppnum síðustu ár.
Samkvæmt verklagsreglum Vegagerðarinnar er ekki gert ráð fyrir að hálkuverja Hringveginn þar sem hann liggur um Jökuldal. Upplýsingafulltrúi Vegagerðarinnar segir reglurnar settar til að reyna að nýta það takmarkaða fjármagn sem fyrir hendi sé sem best. Stundum sé gert meira en kveðið er á um í þeim en það sé ekki alltaf hægt.
Bílstjórar sem á ferð voru um Jökuldal á fimmtudagskvöld gagnrýna þjónustu og upplýsingagjöf Vegagerðarinnar. Flughált var á veginum og fóru fimm bílar út af.
Hið nýja Polar Amaroq kom til Neskaupstaðar á Þorláksmessu. Skipið er í eigu grænlensks dótturfélags Síldarvinnslunnar og leysir af hólmi eldra skip með sama nafni.