Loðna til Fáskrúðsfjarðar
Nú stendur yfir löndun úr síðasta norska skipinu sem kom með loðnu til Fáskrúðsfjarðar á þessari vertíð. Alls verður nú landað 3.600 tonnum úr fjórum norskum skipum.
Ásta Kristín gefur kost á sér á lista Sjálfstæðisflokksins
Ásta Kristín Sigurjónsdóttir, 31 árs viðskipta- og rekstrarráðgjafi, gefur kost á sér í 2. – 5. Sætið á lista Sjálfstæðisflokksins í Fjarðabyggð fyrir sveitastjórnarkosningarnar í vor.
Mótmælum við RUV seinkað
Fyrirhuguðum mómælum vegna niðurskurðar Ríkisútvarpsins á Austurlandi, sem vera áttu við starfsstöð RÚVAust á Egilsstöðum kl. 14:00, hefur verið seinkað til 16:00 vegna landsleiks Íslendinga og Frakka í undanúrslitum Evrópumótsins í handknattleik. Tímasetningu fjölda viðburða víða um land hefur verið hnikað til vegna leiksins.Kindur teknar af Stórhóli
Lögregla, ásamt fleiri aðilum að beiðni Matvælastofnunnar, tók kindur úr vörslu ábúenda á sauðfjárbúinu Stórhóli í Álftafirði í gær. Ábúendur hafa fjögurra sólarhringa andmælafrest. Þeir voru í lok seinasta árs sektaðir fyrir brot á lögum um dýravernd og búfjárhald.
Stefán Bogi tekur slaginn í Austrakjallaranum
Stefán Bogi Sveinsson, framkvæmdastjóri UÍA, tilkynnti í morgun um framboð sitt í prófkjöri Framsóknarflokksins á Fljótsdalshéraði fyrir komandi bæjarstjórnarkosningar. Þetta tilkynnti hann félögum sínum á reglulegum laugardagsfundi Framsóknarmanna í Austrakjallaranum á Egilsstöðum. Stefán sækist eftir fyrsta sæti á lista Framsóknarflokksins.
"Það er komin veruleg valdþreyta hjá meirihlutanum og því miður hefur það orðið of áberandi að embættismenn sveitarfélagsins ráði í raun öllu innan þess." segir Stefán Bogi meðal annars í bloggfærslu sinni um ákvörðun sína. Hann telur megi sækja fram á veginn í atvinnumálum og að sóknarfæri séu fyrir hendi þrátt fyrir að núverandi meirihluti skili ekki góðu búi.
Stefán er lögfræðingur að mennt og hefur starfað í ungliðahreyfingu Framsóknarflokksins í mörg herrans ár. Meðal annars átt sæti í stjórn ungra Framsóknarmanna. Að undanförnu hefur Stefán notið hvað mestrar hylli í spurningaliði Fljótsdalshéraðs í sjónvarpsþættinum Útsvari. Talið hefur verið tímaspursmál meðal áhugamanna um bæjarmál hvenær Stefán tilkynnti um ráðahag sinn.
Framtíð RÚV í vj fréttamönnum
Ríkisútvarpið ætlar að leggja aukna áherslu á svokallaða „vj-fréttamenn“ það eru fréttamenn sem geta bæði myndað og sagt fréttir. Hlutur frétta af landsbyggðinni í landsfréttum á síst að minnka þótt svæðisbundnar útsendingar leggist af.
Tæplega tvö hundruð tómar íbúðir á Egilsstöðum og Reyðarfirði
Tæplega tvö hundruð íbúðir standa auðar á Reyðarfirði og Egilsstöðum. Flestar íbúðirnar eru byggðar á seinustu fimm árum, nýjar og í fjölbýlishúsum.
Ráðuneytið útilokar ekki viðræður við Fjarðabyggð um heilsugæsluna
Heilbrigðisráðuneytið útilokar ekki viðræður um hvort bæjaryfirvöld í Fjarðabyggð geti yfirtekið stjórn heilsugæslunnar í sveitarfélaginu.
Stórhólskindur suður í Hornafjörð
Þær 160 kindur sem teknar voru úr vörslu ábúenda á Stórhóli í Álftafirði fyrir viku eru á leið suður í Hornafjörð. Samkvæmt heimildum agl.is hefur fjárbóndi þar keypt kindurnar. Þetta varð lausn málsins að loknum fjögurra daga andmælafresti ábúenda sem rann út á mánudag.
Fljótsdalshérað lækkar skotlaun
Sveitarfélagið Fljótsdalshérað hefur ákveðið einhliða að lækka skotlaun til ráðinna grenjaskytta í sveitarfélaginu.160 kindur teknar á Stórhóli
Sveitarstjórn Djúpavogshrepps er með 160 kindur í sinni vörslu sem teknar voru á sauðfjárbýlinu Stórhóli í gærkvöldi. Húsakostur á staðnum var ekki talinn ráða við allar þær kindur sem þar voru.
Starfsmenn í heimaþjónustu vilja félagsmálastjóra áfram
Átta starfsmenn félags- og heimaþjónustu sveitarfélagsins Fjarðabyggðar í Neskaupstað hafa sent bæjarráði Fjarðbyggðar mótmælabréf vegna starfsloka Sigríðar Stefánsdóttir, félagsmálastýru.
