Kæru gegn Gift vísað frá
Ríkislögreglustjóri hefur vísað frá kæru Vopnafjarðarhrepps vegna
málefna Eignarhaldsfélags Samvinnutrygginga og Fjárfestingafélagsins
Giftar sem lögð var fram í fyrra.
Vilja flýta byggingu leikskóla á Norðfirði
Bæjarstjórn Fjarðabyggðar heitir að leita áfram allra leiða til að flýta
byggingu nýs leikskóla á Norðfirði. Samkvæmt áætlunum er þó ekki gert
ráð fyrir fjármagni til byggingarinnar fyrr en árið 2014.
Allt útlit fyrir verkfall bræðslumanna í kvöld
Allt útlit er fyrir að starfsmenn fiskimjölsverksmiðja á Austurlandi
leggi niður vinnu klukkan hálf átta. Sáttafundir halda áfram í dag.
Segja má að verkfallið sé þegar hafið þar sem loðnuflotinn er kominn til
hafnar.
Hagleikssmiðja á Djúpavogi: Fólk kemur til að leita að fiskiroðskonunni
Ágústa Margrét Arnardóttir opnaði í sumar fyrstu íslensku
hagleikssmiðjuna á neðri hæð heimilis síns á Djúpavogi. Þar kynnir hún
vörur sínar og sögu handverksins. Ágústa vonast til að geta dregið
fleiri gesti til Djúpavogs með smiðjunni.
Fljótsdalshreppur tekjuhæsta sveitarfélag landsins
Fljótsdalshreppur er tekjuhæsta sveitarfélag landsins miðað við
íbúafjölda. Fjarðabyggð trónir á toppnum þegar litið er til stærri
sveitarfélaga landins.
Djúpivogur: Tjarnarklukka friðlýst
Búsvæði tjarnaklukku á Hálsum við Djúpavog hefur verið friðlýst. Umhverfisráðherra og sveitarstjóri Djúpavogshrepps undirrituðu friðlýsinguna nýverið.Fjarðabyggð, ME og VA úr leik í spurningakeppnum
Veturinn virðist ekki gjöfulur fyrir austfirsk spurningalið.
Fljótsdalshérað datt í fyrstu umferð spurningakeppninnar Útsvars og á
föstudag féll Fjarðabyggð úr leik. Menntaskólinn á Egilsstöðum og
Verkmenntaskóli Austurlands eru fallnir út úr Gettu betur.
Ólöglegt brottnám: Móður gert að fara með dætur sínar til Danmerkur eða afhenda þær föðurnum
Héraðsdómur Austurland hefur gert móður að afhenda barnsföður sínum
telpur þeirra þrjár eða snúa með þær sjálf til Danmerkur þar sem
forsjármál parsins er fyrir dómstólum. Móðirin segir föðurinn hafa beitt
sig og dæturnar ofbeldi. Sálfræðingur sagði börnin hvorki sýna merki um
að hafa orðið fyrir ofbeldi né orðið vitni að því.
Vetraríþróttir og ferðamennska
Atvinnumálanefnd Fljótsdalshéraðs boðaði til ráðstefnu um Vetraríþóttir og ferðamennsku á Hótel Héraði í gær miðvikudag. Ráðstefnan var vel sótt af fólki alls staðar að af Austurlandi.Verkfalli aflýst: Samstaðan brast
Fyrirhuguðu verkfalli starfsmanna í fiskimjölsverksmiðjum hefur verið
afboðað. Sverrir Mar Albertsson, framkvæmdastjóri AFLs
starfsgreinafélags, segir að upp hafi verið komin sú staða að verkfallið
myndi ekki skila þeim árangri sem að var stefnt.
112 dagurinn á Egilsstöðum
Félagar í Björgunarsveitinni Héraði ætla í dag að kynna starfsemi sína
og annarra viðbragðsaðila í dag í tilefni af 112 deginum við Samkaup á
Egilsstöðum á milli 16 og 19 í dag.
AFL: Fullyrðingar um ofurlaun bræðslumanna kjaftæði
Sverrir Mar Albertsson, framkvæmdastjóri AFLs starfsgreinasambands,
segir það þvætting að starfsmenn í fiskimjölsverksmiðjum séu á
ofurlaunum. Þau rök sem Samtök atvinnulífsins hafi haldið fram í
málflutningi sínum í samningaviðræðum við bræðslumennina haldi ekki
vatni.
