Þrátt fyrir að öllum starfsmönnum svæðisútvarps Rúv á Austurlandi hafi verið sagt upp utan einn á dögunum, þá segir Bjarni Guðmundsson framkvæmdastjóri Rúv það vera misskilning að verið sé að loka svæðisstöðvum RÚV.
“Sumir halda að verið sé að loka svæðisstöðvunum. Það er ekki allskostar rétt. Það verður starfsemi og fréttaflutningur áfram frá svæðisstöðvunum, þrátt fyrir að svæðisbundnar útsendingar verði ekki áfram starfræktar.” Sagði Bjarni í samtali við Agl.is á dögunum.
Frestur til að sækja um veiðileyfi til hreindýraveiða til Umhverfisstöfnunar rann út í gær 15. febrúar. Um 3800 umsóknir bárust, sem er rúmlega 500 umsóknum fleiri en á síðasta ári. Dregið verður úr innsendum umsóknum 20. febrúar næstkomandi.
Dregið var úr innsendum umsóknum um hreindýraveiðileyfi í húsnæði Þekkingarnets Austurlands á Egilsstöðum á laugardag. Út drættinum var sjónvarpað á internetinu.
Mennirnir tveir sem misstu meðvitund um borð í Hoffellinu á Fáskrúðsfirði á dögunum eru báðir á góðum bartavegi. Sá sem lá lengur á gjörgæsludeildinni, er að koma niður á almenna deild á sjúkrahúsinu í dag.
Átta einstaklingar taka þátt í skoðanakönnun hjá Sjálfstæðisflokknum í Fjarðabyggð vegna uppstillingar á lista flokksins fyrir bæjarstjórnakosningarnar í vor.
Fyrsta kolmunnanum á Fáskrúðsfirði á þessu ári var landað í vikunni, einnig hefur borist kolmunni til Norðfjarðar, ásamt loðnu og bolfiski. Frosinni loðnu var landað á Eskifirði og bolfiski á Seyðisfirði.
