Frambjóðendur Óskalistans í Djúpavogshreppi segjast vilja grandskoða fjármál sveitarfélagsins. Talsmenn lista Framfara segja mestu skipta að styrkja frekar stoðir atvinnulífsins. Þau vilja fara ólíkar leiðir við ráðningu sveitarstjóra.
Bæjarstjóri Seyðisfjarðarkaupstaðar segir höfuðverkefni bæjarstjórnarinnar á líðandi kjörtímabili hafa verið að standa vörð um fyrirtækin í bænum. Bæði hafi hún falist í að verjast niðurskurði og ásælni nágranna.
Starfsmenn Fiskeldis Austfjarða hafa undanfarnar tvær vikur unnið hörðum höndum að því að flytja seiði í fiskeldið í Berufirði. Gert er ráð fyrir að 600 þúsund seiði bætist í kvíarnar í sumar.
Minnisvarði um það þegar sex af sjö skipverjum Goðans og fimm manna áhöfn Bergvíkur VE var bjargað sitt hvorum megin við áramótin 1994 af strandstað í Vöðlavík verður afhjúpaður þar á föstudag.
Frambjóðendur í Djúpavogshreppi tókust á um veglínur í botni Berufjarðar á framboðsfundi í gærkvöldi. Óskalistinn segist vilja vinna málið í sátt en oddviti hreppsins segir sitjandi sveitarstjórn hafa tengt sig eins langt þá átt og unnt sé.
Til stendur að gera skoðanakönnun samhliða sveitarstjórnarkosningunum á morgun, um hug Breiðdælinga til sameiningar við önnur sveitarfélög. Sveitarstjórinn segir könnunina aðeins vera til að gefa nýrri sveitarstjórn veganesti.
Tíu af þeim sautján sem eru á kjörskrá í Mjóafirði mættu á framboðsfund sem haldinn var þar í gær. Samgöngumál voru heimamönnum ofarlega í huga.
Rekstur Vopnafjarðarhrepps, Djúpavogshrepps, Fjarðabyggðar, Seyðisfjarðar og Fljótsdalshéraðs er í lagi og stendur undir skuldbindingum sveitarfélaganna. Breiðdalshreppur er á móti eitt verst stadda sveitarfélag landsins.
Möguleg forgangsröðun í fjármálum er það sem helst virðist skilja á milli þeirra þriggja framboða sem bjóða fram fyrir sveitarstjórnarkosningarnar á Seyðisfirði. Húsnæðismál grunnskólans virðast ekki þola frekari bið.
Oddviti Á-listans á Fljótsdalshéraði vill að settar verði upp sýningar ætlaðar ferðamönnum í Sláturhúsinu á Egilsstöðum. Listinn vill eins að Valaskjálf verði miðstöð sviðslista á svæðinu. Önnur framboð styðja áframhaldandi uppbyggingu menningarstarfs í Sláturhúsinu.
Íbúar á Seyðisfirði og í Djúpavogshreppi standa fyrir framboðsfundum í dag. Þar gefst kjósendum tækifæri á að bera fram spurningar til framboðanna.
Menningarráð Austurlands hefur úthlutað 73 menningarstyrkjum samkvæmt menningarsamningi ríkis og sveitarfélaga á Austurlandi um menningarmál. Alls bárust á annað hundrað umsókna og heildarupphæð úthlutunar nemur ríflega 40 milljónum króna. Menningarsvið Austurbrúar hefur umsjón með framkvæmd menningarsamnings og úthlutun.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.