Bæjarstjórn Fjarðabyggðar hvetur ríkisvaldið til að velja verkefnum staðsetningar með tilliti til aðstæðna á hverjum stað og eðli verkefnanna. Eðlilegt sé að dreifa almannaþjónustu um landið.
Frábær mæting var á kynningarfundinn "Tækifæri fyrir konur" sem haldinn var fyrr í síðustu viku en samtals mættu 43 konur á Egilsstöðum og Reyðarfirði. Þar voru m.a. kynntar nýjar leiðir fyrir konur sem vilja stofna eigin atvinnurekstur en fyrsta og eina lánið sem Byggðastofnun hefur veitt í gegnum nýtt úrræði kom til Austurlands. 
„Það var Helvítis Dyrfjalla-gustur hérna á Borgarfirði í gær. Þegar við vöknuðum fundum við þessar fínu rúllur frá Kobba í Njarðvík sem voru búnar að leita skjóls í garðinum hjá okkur,“ segir Hafþór Snjólfur Helgason á fésbókarsíðunni sinni í dag. En Hafþór býr í Réttarholti í Borgarfirði. En mikið óveður var í Borgarfirðinum í gær.
Rekstur LungA skólans á Seyðisfirði hefur verið tryggður næstu tvö árin eftir að verkefnið fékk tuttugu milljóna króna styrk úr æskulýðsáætlun Evrópusambandsins. Annar skólastjóra skólans segir styrkinn efla undirstöðurnar.
Bændur á Sléttu í Reyðarfirði og Bustarfelli í Vopnafirði áttu hæst dæmdu austfirsku hrútlömbin síðasta haust. Sérfræðingur í sauðfjárrækt segir lambadóma hafa verið glæsilegri í haust en nokkru sinni áður.
Selárlaug hefur lengi verið einn af gimsteinum Vopnafjarðar. Lengi vel var aðgengi að lauginni allan sólarhringinn allan ársins hring, en það breyttist á síðasta ári þegar gerðar voru breytingar bæði á húsnæði og rekstri sundlaugarinnar þar sem hún uppfyllti engan vegin kröfur heilbrigðiseftirlitsins. Flestum hefur gengið vel að aðlagast þessum breytingum, en þó eru enn óprúttnir aðilar sem eru enn að lauga sig utan opnunartíma.
Nokkuð hefur verið um hálkuslys á Austfjörðum um helgina. Læknir minnir fólk á að fara varlega og búa sig vel.
Ragnheiður Elín Árnadóttir, iðnaðarráðherra, gerði lykkju á leið sína í ferð þegar hún var á Egilsstöðum í síðustu viku og kynnti sér Fab Lab-stofu Verkmenntaskóla Austurlands í Neskaupstað.
Magnús Þór Ásmundsson, forstjóri Alcoa Fjarðaáls, afhenti í dag Páli Björgvini Guðmundssyni, bæjarstjóra, styrkúthlutun Alcoa Foundation til skólaverkefnisins Verklegt er vitið. Styrkurinn nemur samtals um 11 milljónum króna.
Adda Steina Haraldsdóttir hefur verið ráðin tómstunda- og forvarnafulltrúi hjá Fljótsdalshéraði og hóf hún störf um miðjan janúar. 
Búið er að opna fyrir umsóknir á hreindýraveiðar fyrir veiðitímabil 2015. Heimilt verður að veiða 1412 hreindýr á árinu sem er mesti hreindýrakvóti frá upphafi. Undanfarin ár hefur ásókn í hreindýraveiðileyfi farið vaxandi en undanfarin ár hafa umsóknir verið mun fleiri en leyfin.
Fjármálastjóri Launafls segir að tryggingagjald leggjast af miklu afli á meðalstórt fyrirtæki á landsbyggðinni eins og Launafl. Fjármunir sem fari í tryggingagjaldið nýtist ekki í frekari uppbyggingu fyrirtækisins á meðan.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.