Vegagerðin hefur brugðið á það ráð að líma yfir vegvísa við Breiðdalsvík sem vísa á Egilsstaði eða Seyðisfjörð um Breiðdalsheiði. Svæðisstjóri segir þetta tilraun til að vísa ferðamönnum rétta leið í vetrarfærðinni.
Félagsbúið Engihlíð í Vopnafirði var afurðahæsta mjólkurbúið á Austurlandi á síðasta ári og það fjórða hæsta yfir landið.
Loðnuleit verður haldið áfram úti fyrir Austfjörðum næstu daga eftir að norsk skip fengu afla þar um helgina. Skip HB Granda fara til veiða um helgina en forstjóri fyrirtækisins segir ljóst að vertíðin verði ekki merkileg úr þessu.
Athafnamenn á Seyðisfirði eru með hugmyndir um að byggja upp heita potta með fersku lindarvatni við Vestdalseyri. Með því vilja þeir efla afþreyingu fyrir ferðamenn á svæðinu og sýna eyrinni virðingu.
Aðalsteinn Þorsteinsson, forstjóri Byggðastofnunar, segir að skjóta verði fleiri stoðum undir atvinnulífið á Vopnafirði sem til þessa hefur verið borið uppi af sjávarútvegi. Stofnunin muni liðssinna heimamönnum við það.
Fjármögnun að fyrsta áfanga Wasabi Ísland er lokið og þar með á að vera hægt að hefja ræktunina. Hún á að verða í gróðurhúsi Barra í Fellabæ.
HB Grandi ætlar að ráðast í miklar fjárfestingu á Vopnafirði við uppbyggingu bolfiskvinnslu á staðnum til að mæta miklum samdrætti í uppsjávarveiði. Undirbúningur er skammt á veg kominn en gert er ráð fyrir að vinnsla hefjist í haust.
Bæjarráð Grindavíkur útilokar ekki að láta á það reyna hvort sveitarfélagið geti nýtt forkaupsrétt sinn að línuveiðibátinum Óla á Stað og 1000 tonna bolfiskkvóta sem Loðnuvinnslan keypti í síðustu viku.
Ferðaþjónustufyrirtækið Tanni Travel fékk hæsta styrkinn úr Uppbyggingarsjóði Austurlands til markaðssetningar beins flugs milli Egilsstaða og London Gatwick þegar úthlutað var úr sjóðnum í síðustu viku. Verkefnastjóri segist finna mikinn áhuga Austfirðinga á fluginu og þeir séu farnir að bóka ferðir.
Búast má við töfum á umferð um Oddsskarð næstu daga vegna vinnu við gerð Fortitude-þáttanna.
Boðað hefur verið til opins fundar í félagsheimilinu Miklagarði í kvöld klukkan 20:00 undir formerkjum atvinnumála á Vopnafirði – staða og horfur.
Veðurstofan varast við vindstrengjum syðst á Austfjörðum og sunnan Vatnajökuls í dag.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.