Sigíður Bragadóttir, bóndi á Síreksstöðum í Vopnafirði, segir það hafa verið erfiða ákvörðun að selja jörðina til breska auðkýfingsins Jim Ratcliffe. Dóttir hennar tekur fljótt við búskapnum sem byggist orðið á ferðamönnum.
Tveir táningsdrengir sem komu hingað til lands með Norrænu í byrjun september og óskuðu eftir hæli eru enn á forræði félagsmálayfirvalda í Fjarðabyggð. Vonast er til þess að málefni þeirra fari að skýrast á næstu dögum.
Aðeins tveir þéttbýliskjarnar á starfssvæði Heilbrigðiseftirlits Austurlands (HAUST) eru með fráveitukerfi sem uppfyllir kröfur fráveitureglugerðar. Framkvæmdastjóri HAUST segir miklar kröfur sem kostnaðarsamt sé að uppfylla standa í sveitarfélögunum fremur en viljaleysi.
Leit að heitu vatni á Búlandsnesi í Djúpavogshreppi hefur verið hætt að sinni. Boranir þar í byrjun mánaðarins báru takmarkaðan árangur.
Rannsókn á skála frá víkingaöld á Stöð í Stöðvarfirði er ein af áhugaverðustu fornleifarannsóknum síðasta árs að mati sérfræðinga Archeofeed. Stjórnandi uppgraftarins segir ánægjulegt að fá alþjóðlega athygli.
Töluverðar umbætur hafa átt sér stað á skíðasvæðinu í Oddskarði sem opnað var um helgina í fyrsta skipti í vetur. Nýr snjótroðari hefur verið tekinn gagnið sem og aðgangshlið.
Austfirskir útgerðarmenn binda vonir við að Hafrannsóknastofnun leggi út í annan leiðangur til að leita loðnu. Stofnunin kynnti í dag niðurstöður sínar úr tveimur rannsóknarleiðöngrum í mánuðinum og veiðiráðgjöf ársins.
Á þriðja tug björgunarsveitarfólks úr sjö austfirskum sveitum tók þátt í mikilli leit að Birnu Brjánsdóttur um nýliðna helgi. Hópnum var hóað saman með afar skömmum fyrirvara.
Gunnlaugur Aðalbjarnarson tók um áramót við starfi framkvæmdastjóra fjármála hjá Alcoa Fjarðaála. Hann tekur við starfinu af Ruth Elfarsdóttur sem gegnt hefur því frá árinu 2006.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.