Þingmaður Miðflokksins úr Norðvesturkjördæmi telur vert að skoða gerð tvennra jarðganga og færslu einnar brúar til að stytta leiðina milli Reykjavíkur og Austurlands um 40-60 kílómetra.
Kristján Þór Júlíusson, sjávarútvegsráðherra, boðar tvö ný lagafrumvörp um fiskeldi á Alþingi í vetur sem hann telur að breyta muni miklu fyrir greinina. Hann kallar eftir aukinni sanngirni í umræðu um eldið sem sem sé í dag stunduð úr skotgröfum.
Talið er að gat sem kom eftir núning við bryggju hafi orðið til þess að eikarbáturinn Saga SU 606 sökk í höfninni á Breiðdalsvík aðfaranótt 11. febrúar síðastliðins.
Sverrir Mar Albertsson, framkvæmdastjóri AFLs verður ekki næsti formaður Alþýðusambands Íslands. Hann beið lægri hlut gegn mótframbjóðandanum Drífu Snædal, framkvæmdastjóra Starfsgreinasambandsins, á þingi samtakanna í dag. Sverrir varaði forustumenn í hreyfingunni við að fara fram úr almennum félagsmönnum í framboðsræðu sinni í morgun.
„Ég finn mikla þörf fyrir þessu innan fyrirtækja og í samfélaginu öllu,“ segir Helga Kristín Sæbjörnsdóttir frá Egilsstöðum, en hún er eigandi fyrirtækisins Valdefla, sem meðal annars verður með námskeiðið Valdefling kvenna á Laugarvatni um miðjan nóvember.
„Nú halda mér engin bönd eftir langt hlé í eigin sköpun og útkomu tveggja bóka í ár,“ segir rithöfundurinn Steinunn Ásmundsdóttir, sem var að senda frá sér sína sjöttu bók, skáldævisöguna Manneskjusögu. Fyrra útgáfuhóf bókarinnar verður í Eymundsson í Smáralind í dag klukkan 17:00.
Kristján Þór Júlíusson, sjávarútvegsráðherra, segir tíma til kominn að Íslendingar og Færeyingar skipti á sléttu í samningum um fiskveiðar. Skiptimyntin er kolmunni sem skiptir Austfirðinga miklu máli.
Umboðsmaður Alþingis telur ekki ástæðu til að gera teljandi athugasemdir við ráðningarferli bæjarstjóra Seyðisfjarðarkaupstaðar. Umboðsmaðurinn telur sveitarstjórnir hafa rétt til að ráða sér framkvæmdastjóra á sjónarmiðum sem alla jafna teldust ekki málefnaleg, svo sem af pólitískum toga.
„Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Tekið verður á móti skókössum í Egilsstaðakirkju næsta fimmtudag milli klukkan 17:00 og 21:00.