Í janúar var stofnað félag fjarbúa á Borgarfirði eystra. Þórhalla Guðmundsdóttir er formaður félagsins og segir markmið félagsins fyrst og fremst vera að styðja samfélagið á Borgarfirði og leggja eitthvað af mörkum.
Formaður Slysavanafélagsins Landsbjargar segir að almannavarna megi ekki vera undir styrk einstakra lögregluumdæma eða sveitarfélaga komnar, heldur verði að horfa á þær heildstætt. Björgunarsveitir gegna þar lykilhlutverki. Ekki verði hægt að kippa fótum undan tekjuöflun þeirra með sölu flugelda án þess að eitthvað annað komi í stað.
Heilbrigðiseftirlit Austurlands (HAUST) hefur gefið út nýtt starfsleyfi til moltugerðar á vegum Íslenska gámafélagsins á Reyðarfirði. Sveitarfélagið Fjarðabyggð krefst þess að HAUST fylgist nánar með starfsemi á svæðinu.
Fljótsdalshreppur er eitt fimm sveitarfélaga sem undirbúa bótakröfu á hendur íslenska ríkinu eftir að Hæstiréttur dæmdi í morgun að skerðing framlaga til þeirra úr Jöfnunarsjóði sveitarfélaga væri ólögleg. Líklegt er að bæturnar nemi vel yfir einum milljarði króna.
Aðalfundur Loðnuvinnslunnar á Fáskrúðsfirði var haldinn á föstudaginn var en hagnaður af rekstri fyrirtækisins í fyrra var um 700 miljónir. Friðrik Mar Guðmundsson, framkvæmdastóri Loðnuvinnslunnar segir afkomuna vel viðunandi.
Landsmót UMFÍ 50 ára og eldri verður haldið í Neskaupstað dagana 28. – 30. júní. Ómar Bragi Stefánsson, framkvæmdastjóri mótsins, segir mikinn áhuga fyrir mótinu í Neskaupsstað og gaman að vinna að undirbúningi með Norðfirðingum.
Þingmaður Sjálfstæðisflokksins í Norðausturkjördæmi hvetur til þess að Ísland gerist sem fyrst aðili að Geimvísindastofnun Evrópu. Slíkt skipti máli fyrir vöktun á því gríðarstóra hafsvæði sem umlykur landið. Flygildi sem er í tilraunaflugi á Egilsstöðum sé það sem koma skal.
Maí er ekki bara annasamur tími hjá sauðfjárbændum sjálfum, heldur einnig þjónustuaðilum þeirra. Hjá Landstólpa á Egilsstöðum er í boði sólarhringsþjónusta yfir þennan annatíma. Verslunarstjórinn segir mánuðinn erfiðan en ánægjulegan.
Undirbúningur að stofnun vatnsáfyllingarverksmiðju á Borgarfirði eystra er áfram í fullum gangi. Áformað er að reisa 900 fermetra byggingu yfir verksmiðjuna.
Héraðsdómur Austurlands hefur dæmt karlmann til sjö mánaða refsingar fyrir að hafa verið gripinn af tollvörðum á Seyðisfirði með tæp fjögur kílógrömm af hassi.