„Fer í kaupstað þegar opnast“
Vegurinn upp í Hrafnkelsdal hefur verið lokaður í um hálfan mánuð vegna snjóa. Íbúar er rólegir enda ekki óvanir ástandi sem þessu. Hluti leiðarinnar var opnaður í gær en lokaðist aftur í morgun.
Austfirskar sveitarstjórnir fyrstar til að nýta ákvæði um fjarfundi
Bæjarstjórn Seyðisfjarðarkaupstaðar og sveitarstjórn Djúpavogshrepps urðu í morgun fyrstu sveitarstjórnir landsins til að nýta bráðabirgðaákvæði í sveitarstjórnarlögum um fjarfundi sveitarstjórna. Báðir fundirnir gengu hratt og vel enda aðeins eitt mál á dagskrá.
ME og VA hljóta jafnlaunavottun
Menntaskólinn á Egilsstöðum og Verkmenntaskóli Austurlands hlutu á dögunum jafnlaunavottun. Skólarnir hafa komið sér upp kerfi sem á að tryggja það að greidd verði til dæmis sömu laun fyrir sömu eða jafnverðmæt störf.
Mikilvægt að huga að velferð allra í samfélaginu
Félagsþjónustur Fljótsdalshéraðs og Fjarðabyggðar, lögreglan á Austurlandi og Heilbrigðisstofnun Austurlands hvetja íbúa til að fylgjast með nágrönnum og ættingjum og láta vita ef stuðnings er þörf.
Hertar reglur skýra aukinn fjölda
Hertari reglur og nákvæmari skráning skýrir mikla aukningu á fjölda Austfirðinga sem eru í sóttkví vegna heimsfaraldurs Covid-19 veirunnar.
Fjarkennsla flækist ekki fyrir góðu nemendunum
Skólameistari Menntaskólans á Egilsstöðum segir nemendur og kennara við skólann vera að ná tökum á fjarkennslufyrirkomulagi sem komið var á eftir að skólanum var lokað til að hefta útbreiðslu kórónaveirunnar. Úrræði eru í boði fyrir nemendur sem standa höllum fæti.
Nemendur í VA mæta í netstofur
Þrátt fyrir að framhaldsskólum hafi verið lokað til að hindra útbreiðslu kórónaveirunnar halda nemendur Verkmenntaskóla Austurlands áfram að mæta í tíma samkvæmt stundatöflu. Það gera þeir í gegnum netkennslustofu. Skólameistari segir fyrirkomulagið ganga vel, aðeins sé eftir að finna lausn fyrir félagslífið.
Yfir sextíu í sóttkví eystra
Rúmlega sextíu Austfirðingar eru nú komnir í sóttkví út af heimsfaraldri Covid-19 veirunnar. Ekkert smit hefur enn greinst á svæðinu. Brýnt er fyrir íbúum að fylgja þeim ráðleggingum sem gefnar hafa verið út til að hindra útbreiðslu veirunnar.
Hafnsögumaður lærbeinsbrotinn eftir að hafa klemmst milli skipa
Hafnsögumaður á Vopnafirði lærbeinsbrotnaði í gær er hann klemmdist milli hafnsögubáts og flutningaskips. Hafnarvörður segir mildi að ekki hafi farið verr og viðstaddir hafi sýnt fumlaus viðbrögð.
Ekki kosið 18. apríl
Ríkislögreglustjóri og sóttvarnalæknir hafa mælst til þess, í ljósi samkomubanns og óvissuástands vegna útbreiðslu covid-19 veirunnar, að fallið verði frá kosningum í nýju sameinuðu sveitarfélagi á Austurlandi sem halda átti 18. apríl. Nýr kjördagur hefur ekki verið ákveðinn en útlit er fyrir að ekki verði kosið fyrr en í haust.
