Hagnaður af rekstri Loðnuvinnslunnar Fáskrúðsfirði á síðasta ári var rúmir tveir milljarðar króna eftir skatta. Afkoma fyrirtækisins hefur aldrei verið betri, sem verður að teljast eftirtektarvert í ljósi þess að engin loðna veiddist hér við land.
Rafmagn á að vera komið aftur alls staðar á Egilsstöðum og næsta nágrenni. Rafmagn fór af rétt fyrir klukkan þrjú og var rafmagnslaust í rúmar tuttugu mínútur.
Fagráð Heilbrigðisstofnunar Austurlands, sem skipað er sjö sérfræðingum sem starfa hjá stofnuninni, leggst eindregið gegn því að heimiluð verði netsala á áfengi og heimsending úr innlendum verslunum. Þetta kemur fram í ályktun sem fagráðið sendi frá sér í vikunni.
Óvissu um framtíð dagvöruverslunar á Vopnafirði hefur verið eytt eftir að Berghildur Fanney Oddsson Hauksdóttir og Eyjólfur Sigurðsson keyptu verslunina Kauptún sem annars hefði lokað eftir daginn í dag. Svo verður ekki.
Nafnið Múlaþing fékk flest atkvæði, bæði í fyrsta sæti og samanlagt hjá þeim íbúum Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar sem tóku þátt í nafnakönnun á nýtt sameinað sveitarfélag samhliða forsetakosningunum í gær.
Úrslit úr könnun, sem gerð var meðal íbúa í Borgarhreppi, Djúpavogshreppi, Fljótsdalsdalshéraði og Seyðisfjarðarkaupstað samhliða forsetakosningunum í gær, um nafn á sameinað sveitarfélag á Austurlandi er að vænta í kvöld.
Austurbrú hefur fest kaup á smáforritinu SparAustur og ráðið Auðun Braga Kjartansson, frumkvöðul og höfund hugverksins, til starfa svo vinna megi áfram að þróun og innleiðingu þess.
Ekki hefur fjölgað í hópi þeirra Austfirðinga sem eru í sóttkví vegna Covid-19 faraldursins síðan fyrir helgi. Þeir eru níu talsins samkvæmt tilkynningu sem aðgerðastjórn almannavarnanefndar Austurlands sendi frá sér í gærkvöldi.
Enginn þeirra níu Austfirðinga, sem settir voru í sóttkví fyrir helgi vegna gruns um Covid-19 smit, hefur reynst jákvæður. Ekki hafa fleiri bæst við síðan í sóttkví á svæðinu.
Örnefnanefnd mælir með nöfnunum Múlaþinghá og Múlabyggð í umsögn sinn um nafn nýs sameinaðs sveitarfélags á Austurlandi. Fjórar aðrar nafnahugmyndir fá þá umsögn að nefndin leggist ekki gegn þeim. Íbúar kjósa um nafn á laugardag.