Fyrstu göngur gengu þokkalega í dag þrátt fyrir þoku
„Þetta gekk alveg þokkalega hjá okkur í dag þar til að þoka skall á okkur um hálf þrjú leytið. Því gátum við ekki smalað allan daginn,“ segir Þorvarður Ingimarsson fjallskilastjóri Fljótsdælinga í samtali við Austurfrétt en hann fór við fimmta mann í göngur í morgun. Þetta eru fyrstu göngur á Austurlandi og óvenjusnemma á ferðinni. Réð veðurspáin miklu um það.
Umferð um Hringveginn minnkaði um 27% á Austurlandi
Umferðin um Hringveginn í ágúst minnkaði langmest á Austurlandi eða um rúmlega 27% miðað við sama mánuð í fyrra. Raunar hefur umferð um Hringveginn um landið í heild í ágúst ekki minnkað jafnmikið síðan að mælingar hófust.
Engin COVID smit í hálfan mánuð, enginn í einangrun eða sóttkví
Átta einstaklingar greindust með COVID-19 smit á Austurlandi í síðasta mánuði. Sá síðasti greindist 16. ágúst eða fyrir hálfum mánuði síðan.
Íbúi vill eitthvað fyrir almenning í Gamla ríkinu
Nú stendur yfir hugmyndasamkeppni um framtíð Gamla ríkisins á Seyðisfirði. Pétur Kristjánsson íbúi í bænum, sem hefur sterkar taugar til hússins, segir að hann vilji helst sjá eitthvað fyrir almenning í Gamla ríkinu í framtíðinni.
Fiskimjöli fyrir vel yfir milljarð króna skipað út
Um helgina og þar til í gærdag var skipað út rúmum 4900 tonnum af fiskimjöli frá fiskimjölsverksmiðjum Síldarvinnslunnar í Neskaupstað og á Seyðisfirði. Verðmætið nam vel yfir milljarði kr.
Göngur geta orðið svolítið púsluspil vegna COVID
Göngur eru hafnar á Austurlandi og standa meir og minna út mánuðinn. Göngur og réttir geta orðið „svolítið púsluspil“ í ár að sögn fjallskilastjóra vegna sóttvarnareglna af völdum COVID.
Félagsmönnum AFLs hefur fækkað um 6% vegna COVID
Sverrir Mar Albertsson framkvæmdastjóri AFLs-Starfsgreinafélags segir að á heildina litið hafi greiðandi félagsmönnum AFLs fækkað um 336, eða um 6%, á tímum COVID, það er frá mars-júlí í ár miðað við sama tímabil í fyrra. Hjördís Þóra Sigurþórsdóttir formaður AFLs segir ámælisvert að Vinnumálastofnun sinni ekki lögbundnu hlutverki sínu varðandi miðlun starfa.
Spáð er stormi á Austurlandi í kvöld
Appelsínugul viðvörun er í gangi í dag fyrir Austurland að Glettingi og gul fyrir Austfirði. Á vefsíðu Veðurstofunnar segir að á Austurlandi sé útlit er fyrir norðan hvassviðri eða storm, 15-20 m/s og talsverða úrkomu.
Allavega vika í að afurðaverð í sláturtíðinni liggi fyrir
Enn sem komið er hafa sláturhúsin ekki gefið út afurðaverð til sauðfjárbænda á þessari sláturtíð en smærri sláturhús hafa þegar hafist handa við að slátra. Steinþór Skúlason forstjóri Sláturfélags Suðurlands (SS) segir að það geti verið allt að ein vika í að verðið verði gefið út.
Stefnir í nokkra fækkun á einbreiðum brúm á Austurlandi
Gangi markmið samgönguáætlunar fyrir árabilið 2020 til 2024 eftir mun einbreiðum brúm á Austurlandi fækka um sex, þar af eru fjórar á hringveginum. Yfir helmingur allra brúa í þjóðvegakerfinu eru einbreiðar.
