Viðvörun fyrir Austfirði orðin appelsínugul

Veðurstofan hefur uppfært veðurviðvörun sína fyrir Austfirði úr gulri í appelsínugula. Jafnframt er komin gul veðurviðvörun fyrir Austurland að Glettingi.


Þetta kemur fram á vefsíðu Veðurstofunnar. Báðar viðvaranirnar taka gildi kl. 18 síðdegis og standa langt fram á nótt.

Á Austurlandi að Glettingi er spáð vestan og norðvestan 18-25 m/s og vindhviður staðbundið yfir 35 m/s, t.d. í Jökulsárhlíð. Einnig má búast við éljum með lélegu skyggni. Varasamt ferðaveður.

Á Austfjörðum er spáð Vestan 20-28 m/s og vindhviður staðbundið yfir 40 m/s. Ekkert ferðaveður. Nauðsynlegt er að tryggja lausamuni til að fyrirbyggja foktjón.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.