Vegagerðin tekur yfir rekstur SvAust
Vegagerðin mun um áramót taka yfir rekstri almenningsvagna á Austurlandi af Strætisvögnum Austurlands (SvAust).SvAust hefur haldið utan um akstur frá Egilsstöðum til Seyðisfjarðar, Borgarfjarðar og Norðfjarðar, milli Reyðarfjarðar og Stöðvarfjarðar auk Djúpavogs og Hornafjarðar. Akstur á leiðunum var boðinn út í haust á vegum SvAust. Vegagerðin yfirtekur því þá samninga.
Yfirtakan liður í að samþætta almenningssamgöngur á Íslandi því almennisvagnarnir renna inn heildstætt kerfi á landsvísu.
Vegagerðin er með þjónustusamning við Strætó bs. sem heldur utan um tímatöflur, vagnaferla, þjónustu við farþega og farmiðasölu, auk samskipta við rekstraraðila. Í tilkynningu segir að vonast sé til breytingarnar bæti kerfið og feli í sér hagræðingu.
„Það verður engin breyting á fyrsta degi heldur sjáum við hverju fram vindur. Við horfum á þetta sem tveggja til þriggja ára lærdómsferli,“ segir Halldór Jörgensen, forstöðumaður almenningssamganga hjá Vegagerðinni.
