Veðurstofan fundar með Seyðfirðingum í dag
Sérfræðingar Veðurstofu Íslands munu fara yfir stöðuna á Seyðisfirði með íbúum á fundi klukkan fjögur í dag. Áfram mælist hreyfing á jarðfleka sem varð til þess að níu hús voru rýmd þar á mánudag.Í tilkynningu almannavarna segir unnið sé að greiningu mælinga eftir rigninga í gær, en eins og Austurfrétt greindir frá í morgun mælist áfram skrið á flekanum.
Gert er ráð fyrir að niðurstöður liggi fyrir síðar í dag. Boðað hefur verið til fjarfundar á Teams klukkan 16:00 í dag þar sem fulltrúar Veðurstofunnar fara yfir stöðuna og svara spurningum.
Fjöldahjálparmiðstöðin í Herðubreið er opin frá 14 til 17 í dag, klukkustund lengur en aðra daga.
Vegna úrkomu í gær og óvissu sem henni fylgir, verður ekki í boði fyrir íbúa á rýmingarsvæðum að fara inn í hús sín fram yfir helgi. Þá er öll óviðkomandi umferð um skriðusvæðið óheimil.
Minnt er á hjálparsíma Rauða krossins í síma 1717.
