Uppsagnir hjá Samskipum hafa líka áhrif á Austurlandi

Tólf starfsmönnum var í síðustu viku sagt upp störfum hjá flutningafyrirtækinu Samskipum. Einn þeirra starfaði á Austurlandi.

Þetta kemur fram í svari Þórunnar Ingu Ingjaldsdóttur, markaðsstjóra Samskipa, við fyrirspurn Austurfréttar.

Uppsagnirnar eru víða í starfsemi fyrirtækisins. Þórunn segir þær hluta af skipulags- og áherslubreytingum hjá félaginu, meðal annars til að ná að fram hagræðingu í rekstri og sameina starfsstöðvar.

Þórunn segir ekki verið að sameina starfsstöðvar eystra heldur starfsemi straumlínulöguð, ferlar einfaldaðir og fækkað um eitt stöðugildi, líkt og á fleiri stöðum.

Hún segir enn fremur að í aðgerðunum séu ferlar einfaldaðir sem eigi að skerpa á þjónustuframboði til viðskiptavina.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.