Tveir íbúafundir í dag
Tveir íbúafundir verða haldnir á Austurlandi í dag. Annars vegar í Fljótsdal um vindorku, hins vegar á Eskifirði um ástand íþróttahússins.Jón Björn Hákonarson, bæjarstjóri Fjarðabyggðar, hefur boðað komu sína á fund með Eskfirðingum um ástand íþróttahúss staðarins. Eins og Austurfrétt hefur greint frá hefur borið á miklum lekum þar í haust. Fundurinn verður haldinn í húsinu og hefst klukkan 16.
Íbúafundurinn í Fljótsdal verður haldinn í félagsheimilinu Végarði klukkan 17:00. Þar mun landeigandi fara yfir nýafstaðna skoðunarverð um vindmyllugarð á Spáni, fulltrúar CIP greina frá stöðunni um Orkugarða Austurlands, lögmaður hreppsins fer yfir sjónarmið sveitarstjórnar á fyrirhuguðum vindorkulögum og skipulagsfræðingur ræðir stjórntæki sveitarfélaga við slíkar framkvæmdir sem eru fyrst og fremst skipulag og umhverfismat.
