Tugir kinda enn á fjalli frá Stórhóli
Enn er fé á fjalli innan við og frá bænum Stórhóli í Álftafirði. Á annað hundrað kinda tókst að smala þar fyrir jól.
Eftir þrýsting yfirvalda var smalað þar hátt í 200 kindum um miðjan desember. Agl.is hefur áður greint frá því að ábúendur hafi komist hjá vörslusviptingu með því að flytja 160 kindur á bæ í Hornafirði.
Gauti Jóhannesson, sveitarstjóri Djúpavogshrepps, staðfesti í samtali við Agl.is að hann hefði hemildir fyrir því að enn væri fé á fjalli. Hann sagðist ekki viss um hversu margt fé gengi enn laust.
