Átta bjóða sig fram hjá Samfylkingunni

Átta einstaklingar bjóða sig fram í flokksvali Samfylkingarinnar í Norðausturkjördæmi. Framboðsfrestur rann út um helgina. Kosið er í sex efstu sætin á framboðslista fyrir komandi þingkosningar.

Tveir Austfirðingar eru á listanum. Erna Indriðadóttir, upplýsingafulltrúi Alcoa í Fjarðabyggð og Jónína Rós Guðmundsdóttir, þingmaður á Egilsstöðum. Báðar bjóða sig fram í annað sætið.

Aðrir frambjóðendur eru: Friðbjörg Jóhanna Sigurjónsdóttir sjúkraliði á Akureyri í 4. – 6. sæti. Helena Þuríður Karlsdóttir, lögfræðingur á Akureyri í 3. - 4. sæti, Ingólfur Freysson, framhaldsskólakennari á Húsavík í 3. - 6. sæti, Kristján L. Möller, alþingismaður Siglufirði í 1. sæti, Sigmundur Ernir Rúnarsson, alþingismaður Akureyri 1.-3. sæti, Örlygur Hnefill Jónsson, héraðsdómslögmaður Þingeyjarsveit 1. - 6. sæti.

Flokksval með stuðningsmönnum fer fram rafrænt dagana 9. og 10. nóvember n.k. Aðeins skráðir flokksmenn geta tekið þátt.