Tónlistarstund í Vallaneskirkju
Erla Dóra Vogler, mezzósópran, heldur tónleika í Vallaneskirkju í kvöld. Tónleikarnir eru hluti sumartónleikaraðarinnar “Tónlistarstundir”
Á tónleikunum blandar Erla Dóra saman íslenskum þjóðlögum í klassískum búningi og fleiru skemmtilegu.
Erla Dóra hóf söngnám á Egilsstöðum á menntaskólaárum og er nýkomin frá Vín þar sem hún lagði stund á framhaldsnám í söng. Hún er reyndar líka jarðfræðingur. Hún gaf út disk í vetur með íslenskum sönglögum sem heitir Víravirki.
Torvald Gjerde, organisti, leikur undir á harmonium. Aðgangseyrir er 1.000 krónur.
