Ætla að reisa álkaplaverksmiðju á Reyðarfirði

Fyrirtækið ALUCAB ehf. áformar að reisa álkaplaverksmiðju á Reyðarfirði. Fyrirtækið hefur fengið samþykki bæjaryfirvalda á álversreitnum.

 

Frá þessu er greint í nýjasta tölublaði Austurgluggans. Þórður Snorri Óskarsson er framkvæmdastjóri hins nýstofnaða fyrirtækis en hann gegnir jafnframt þeirri stöðu hjá ráðgjafafyrirtækinu Intellecta ehf.

Blaðið hefur eftir Þórði að þessa dagana væri unnið í því að hnýta lausa enda. Ekki væri hægt að greina frá vinnunni að svo stöddu en tilkynningar væri að vænta eftir um mánuð.

Kristján Börkur Einarsson er stjórnarformaður og meðstjórnendur Einar Þór Bjarnason og Haraldur Jóhannsson, auk Þórðar Snorra. Kristján og Einar vinna einnig hjá Intellecta. Allir eru búsettir á höfuðborgarsvæðinu.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.