Þrjú gull á Haustmóti
Keppendur UÍA fengu þrenn gullverðlaun, auk annarra verðlauna, á Haustmóti Glímusambands Íslands sem haldið var á Blönduósi um síðustu helgi.Sex keppendur kepptu undir merkjum UÍA, en þeir æfa allir með Val Reyðarfirði. Samhliða mótinu voru haldnar æfingabúðir á vegum GLÍ.
Elín Eik Guðjónsdóttir sigraði í flokki 14 ára stúlkna og vann allar sínar viðureignir.
Kristín Embla Guðjónsdóttir sigraði í 70+ flokki kvenna en varð önnur í opnum flokki kvenna.
Hákon Gunnarsson, Sebastian Andri Kjartansson og Þórður Páll Ólafsson þreyttu frumraun sína í fullorðinsflokki. Þar er glímt á gólfi en ekki dýnu og hver glíma er tvær mínútur í stað einnar og hálfrar.
Hákon varð í öðru sæti í unglingaflokki karla, +74 kg en fjórða í öðru flokki. Ægir Örn lenti í öðru sæti í unglingaflokki karla, -74 og -84 kg flokki karla.
Frá mótinu á Blönduósi. Mynd: Glímusamband Íslands