Svipmyndir frá aðgerðum við Drang í Stöðvarfjarðarhöfn
Smátogarinn Drangur ÁR-307 sökk í höfninni á Stöðvarfirði um klukkan átta í morgun. Aðgerðir hafa staðið yfir síðan þá við höfnina þar sem stefni skipsins stendur upp úr.Það var um klukkan 7:15 sem ábending barst um að Drangur væri farinn að halla ískyggilega mikið. Viðbragðsaðilar voru komnir ekki löngu síðar en þá var ljóst að ekki yrði komið í veg fyrir að báturinn sykki.
Fyrstu viðbrögð miðuðu að því að hemja olíumengun frá skipinu og störfuðu starfsmenn Fjarðabyggðarhafna, slökkviliðsfjarðabyggða, björgunarsveita á Austfjörðum og skipverjar af varðskipinu Þór saman að því. Það virðist hafa gengið ágætlega en skýrist nánar á næstu dögum.
Verktaki á vegum tryggingafélags útgerðarinnar kom á vettvang um kvöldmatarleytið. Hann mun við fyrsta tækifæri kafa niður að Drangi til að kanna hvað olli því að skipið sökk. Í framhaldi af því verður hafist handa við að lyfta skipinu upp úr sjónum.
Austurfrétt var á vettvangi í dag og fylgdist með aðgerðum.