Séra Vigfús kvaddi Vallanesprestakall
Sér Vigfús Ingvar Ingvarsson, sóknarprestur í Vallanesprestakalli,
kvaddi söfnuð sinn við aftansöng í Egilsstaðakirkju á gamlárskvöld.
Vigfús hefur þjónað í prestakallinu í 34 ár.
Frá þessu er greint í Austurglugganum í vikunni.
Séra Vigfús er fæddir á Desjarmýri í Borgarfirði í janúar árið 1950. Hann lauk guðfræðiprófi árið 1976 og vígðist um haustið til Vallanesprestakalls. Hann var sóknarprestur þar út nýliðið ár en hann óskaði þá eftir lausn frá því vegna aldurs.
Hugmyndir eru uppi um sameiningu prestakalla á Héraði. Því hefur ekki verið auglýst eftir eftirmanni en séra Jóhanna Sigmarsdóttir, sóknarprestur í Eiðaprestakalli, bætir við sig Vallanesprestakalli um sinn.
Þá verður Lára G. Oddsdóttir, sóknarprestur í Valþjófsstaðarprestakalli, í námsleyfi frá 10. janúar til 10. apríl. Séra Þorgeir Arason, fræðslufulltrúi prófastsdæmisins, þjónar prestakallinu á meðan.
