Sparisjóður Norðfjarðar býður Stöðfirðingum í viðskipti

sparisjodur_norrdfjardar.jpgForsvarsmenn Sparisjóðs Norðfjarðars skoða hvaða þjónustu þeir geti veitt Stöðfirðingum. Mikil reiði hefur verið á staðnum síðan Landsbankinn lokaði afgreiðslu sinni þar í byrjun mánaðarins. Fulltrúar sparisjóðsins verða á Stöðvarfirði á morgun.

 

Á íbúafundi á Stöðvarfirði fyrir skemmstu var rætt um hvort Sparisjóður Norðfjarðar gæti opnað útibú á staðnum. Bæjarfulltrúar bentu á að sveitarfélagið Fjarðabyggð ætti nú tæplega fjórðung hlutfjár og legði að sparisjóðnum að rækja samfélagslega skyldu sína.

Vilhjálmur G. Pálsson, sparisjóðsstjóri, segir að ekkert hafi verið ákveðið að málið verði skoðað í stjórn sjóðsins í samvinnu við Fjarðabyggð. „Við höfum sent út dreifibréf í öll hús á Stöðvarfirði þar sem við kynnum sparisjóðinn og bjóðum fólk velkomið í viðskipti.“

Stöðfirðingum er boðið að hitta starfsfólk sparisjóðsins á morgun, fimmtudaginn 9. september, að Fjarðabraut 40a á Stöðvarfirði frá klukkan 14:00 – 18:00.

Afgreiðsla Landsbankans lokaði 1. september síðastliðinn. Um 160 Stöðfirðingar skrifuðu undir mótmælabréf þar sem ákvörðuninni var mótmælt.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.