Sólin áfram á Austurlandi
Sól og blíða hefur einkennt sumarið á Austurlandi það sem af er, og Austurfrétt sagði frá því í síðustu viku að júlímánuður í ár hafi verið sá hlýjasti á öldinni.
Sólin virðist ekki ætla að yfirgefa Austurland strax og ekki er annað að sjá á veðurkortum næstu daga en að hitinn verði um 20 gráður víðast hvar á Austfjörðum út vikuna.
Á þriðjudag og miðvikudag er spáð mesta hitanum á Austurlandi og þá á að einnig að vera léttskýjað. Á fimmtudag verður áfram þurrt á Austurlandi, bjart og áframhaldandi hlýindi. Á föstudag má búast við súld en áfram hlýtt í veðri.
Myndin er hitaspá næstkomandi miðvikudag