Skuldir lækka og framkvæmdir aukast

Nýtt íþróttahús á Egilsstöðum verður tekið í notkun næsta haust, 2020, og nýr leikskóli verður byggður í Fellabæ 2021. Þetta kom fram á opnum borgarafundi um fjárhagsáætlun Fljótsdalshéraðs, sem kynnt var í gær.

Björn Ingimarsson, bæjarstóri, segir að skuldir Fljótsdalshéraðs hafi lækkað undanfarin ár og muni lækka enn frekar á næstu árum, samhliða því að farið verður í ýmsar framkvæmdir.

Hann segir jafnframt að sameining sveitarfélaganna fjögurra, sem samþykkt var fyrir skömmu, komi ekki til með að hafa áhrif á þær áætlanir sem settar eru fram í fjárhagsáætlun Fljótsdalshéraðs, enda hafi þær verið kynntar ítarlega í samningaferlinu. Það muni þó eðli málsins samkvæmt verða á valdi stjórnar hins nýja sveitarfélags að taka ákvarðanir um breytingar ef þær þyki nauðsynlegar.

Í kynningunni kemur fram að bil á milli veltufjár frá rekstri og afborgana er á góðu róli, samkvæmt lögbundnum viðmiðum, og muni frekar aukast á næstu árum. Gert er ráð fyrir að skatttekjur muni hækka um 192 milljónir milli áranna 2019 og 2020, útsvarstekjur muni hækka um 6,5% miðað við útkomuspá 2019 og fasteignaskattur muni hækka um 8,9%.

Horfa má á kynninguna á Facebook síðu Fljótsdalshéraðs HÉR.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.