Seyðfirðingar vilja stytta skólaárið

sfk_skoli.jpgFræðslunefnd Seyðisfjarðarkaupstaðar vill að skoðaðir verði möguleikar á að stytta skólaárið um viku í hvorn enda til að spara í rekstri grunnskólans. Einnig er lagt til að skoðaðir verði möguleikar í hagræðingu skólamötuneytisins.

 

Þetta kemur fram í bókun frá síðasta fundi nefndarinnar. Þar er lagt að hagrætt verði eins og kostur er í mötuneytinu því það sé ekki lögboðið verkefni sveitarfélagsins. Aðeins verði hægt að skrá sig í mat fyrir eina önn og þá allar máltíðir sem í boði eru. Nefndin telur eðlilegt að endurskoða forsendur fyrir rekstri mötuneytisins verði mikil afföll á kaupum á skólamáltíðum.

Fræðslunefndin lýsir yfir áhyggjum sínum af hækkunum gjaldskrár fyrir barnafjölskyldur en spara þarf verulega í rekstri Seyðisfjarðarkaupstaðar. Til greina þykir koma að skólaárið verði stytt um viki í þeim tilgangi.

Á Seyðisfirði gleðjast menn hins vegar yfir því að bæta þurfi við starfskröftum á leikskólann vegna fjölgunar barna.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.