Saman fyrir Seyðisfjörð verkefnið er hafið

Samstarfsverkefnið Saman fyrir Seyðisfjörð er hafið. Þar kemur saman mikill fjöldi tónlistarmanna sem býður upp á söng og tónlist alla vikuna.

 

Verkefnið miðar  að því að aðstoða við enduruppbyggingu Seyðisfjarðar eftir að aurskriður og hamfaraflóð féllu á bæinn, með mikilli eyðileggingu, í lok síðasta árs. Saman fyrir Seyðisfjörð mun streyma á samanfyrirseydisfjord.info fram að 31. janúar með nýjum listamönnum daglega klukkan 12 á hádegi, að því er segir á vefsíðu Múlaþings.

Tónlistarinnar má njóta alla vikuna á heimasíðu hátíðarinnar en þar eru einnig upplýsingar um hvernig hægt er að styrkja Rauða krossinn og Seyðfirðinga.

Hægt er að senda sms skilaboðin "HJALP" í númerið 1900 til að gefa 2900 krónur, eða fara á heimasíðu verkefnisins​ til að millifæra.

Meðal þeirra sem koma fram eru; Ásgeir, GDRN, Bríet, sillus X Hermigervill, Bjartar Sveiflur, Sykur, Hjaltalin, Halldór Eldjárn, Hatari, Vök, JFDR, Cyber, Benni Hemm Hemm & Prins Póló & Ívar Pétur, Abby Portner, Sunna Margrét, Sexy Lazer, Samantha Shay & Andrew Thomas Huang, Hrafn Bogdan, Sodill, Crystal Lubrikunt, Forest Law, Augnablik, Rex Pistols, Pamela Angela, MSEA, Una Björg Magnúsdóttir, Nana Anine, Boris Vitazek, Supersport! og fleiri.

Fylgist með á instagram, bæði tónlistarflutningum og baksviðs þar sem verður sýnt frá lífi Seyðfirðinga, eftir hamfarir.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.