Rúmum 57 milljónum úthlutað úr Uppbyggingarsjóði
57,2 milljónum var í dag úthlutað til 58 verkefna úr Uppbyggingarsjóði Austurlands. Hæsti styrkurinn að þessu sinni rennur til starfs Sköpunarmiðstöðvarinnar á Stöðvarfirði.Af styrkupphæðinni fara 27,7 milljónir til 29 menningarverkefna, 25 milljónir í 26 verkefni á sviði atvinnuþróunar og nýsköpunar og loks fá þrjú verkefni samtals fimm milljónir í stofn- og rekstrarstyrki. Alls bárust 100 umsóknir upp á 198 milljónir í sjóðinn að þessu sinni. Heildarkostnaður verkefna er um 550 milljónir.
„Það dylst engum að Austurland er í sókn, en þessi sókn er varnarleikur og hefur verið það lengi. Íbúar á Austurlandi hafa ekki jafnt aðgengi að þjónustu, afþreyingu og hráefni og aðrir á landinu, því er það hlutverk hins opinbera að jafna þennan mun. Ein af mörgum aðgerðum í þá átt er Uppbyggingarsjóður Austurlands,“ sagði Unnar Geir Unnarsson, formaður úthlutunarnefndar í ávarpi sínu við úthlutunina á Eskifirði í dag.
„Engum dylst sá metnaður sem einkennir menningarstarf Austfirðinga. Fjölbreytnin, krafturinn og gæðin eru allt um kring og svo sannarlega til fyrirmyndar. Maður fær það einhvern vegin á tilfinninguna að það búi í raun miklu fleiri á Austurlandi miðað við alla þá virkni sem á sér stað í menningarlífi svæðisins,“ sagði Lilja Alfreðsdóttir, menningar- og viðskiptaráðherra.
Hæsti styrkurinn, 2,5 milljónir, rennur til starfs Sköpunarmiðstöðvarinnar á Stöðvarfirði. Leikhópurinn Svipir fékk 2,3 milljónir til að vinna nýtt barnaleikrit upp úr þjóðsögum og arfleifð Austurlands. Leikverkið verður sýnt í Sláturhúsinu á Egilsstöðum á næsta ári.
Sinfóníuhljómsveit Austurlands fékk 2,2 milljónir í tónleika með perlum kvikmyndatónlistar sem flutt ferða í Tónlistarmiðstöðinni á Eskifirði. Þá fékk Stísa ehf. 2,1 milljónir til að bæta umhverfi, aðgengi gesta og sýnileika Hreindýragarðsins að Vínlandi í Fellum.
| Umsækjandi | Verkefni | Styrkupphæð |
|---|---|---|
| Sköpunarmiðstöðin | Þróun Sköpunarmiðstöðvarinnar | 2.500.000 |
| Svipir ehf. | Hollvættur á heiði - Nýtt barnaleikrit í Sláturhúsinu | 2.300.000 |
| Sinfoníuhljómsveit Austurlands | Kvikmyndatónleikar | 2.200.000 |
| Stísa | Uppbygging Hreindýragarðsins í Vínlandi | 2.100.000 |
| LungA | Lunga sælan 2023 | 2.000.000 |
| List í ljósi | List í ljósi 2023 | 2.000.000 |
| Tandraorka | Markaðssetning og kynning á umhverfisvænni hitaveitu | 2.000.000 |
| Fljótsdalskönglar | Drykkjarframleiðsla úr jurtum með áherslu á sjálfbæra notkun | 2.000.000 |
| Jurt ehf. | Upplifunarferðamennska í tengslum við ræktun wasabi | 2.000.000 |
| Tækniminjasafn Austurlands | Búðareyrin - saga umbreytinga | 1.900.000 |
| Egunn ehf. | RIB bátsferðir á Borgarfirði | 1.500.000 |
| Kaffibrennslan Kvörn | Kaffibrennsla í Sköpunarmiðstöðinni | 1.500.000 |
| Sköpunarmiðstöðin | Aðstaða til vinílplötugerðar | 1.500.000 |
| Urður Steinunn Önnudóttir Sahr | Valkyrja dansskóli | 1.400.000 |
| Skaftfell | Laust mál | 1.200.000 |
| Þorbjörg Ásbjörnsdóttir | Geitagott - þróun nýrra afurða og markaðssetning | 1.200.000 |
| Tónlistarmiðstöð Austurlands | Upptakturinn á Austurlandi 2023 | 1.000.000 |
| Hlín Pétursdóttir Behrens | Passíusálmar - ljóðahátíð, ævintýraóperan Mærþöll | 1.000.000 |
| Ströndin Ateller | Ljósmyndadagar á Seyðisfirði | 1.000.000 |
| Skaftfell | Listafræðsluverkefni | 1.000.000 |
| Kammerkór Egilsstaðakirkju | Barokk að vori | 1.000.000 |
| Menningarstofa Fjarðabyggðar | Listasmiðjur og listsýningar í Fjarðabyggð 2023 | 1.000.000 |
| Skaftfell | Composition in Five Movements | 1.000.000 |
| Menningarmiðstöð Fljótsdalshéraðs | Vor/Wiosna | 1.000.000 |
| Menningarmiðstöð Fljótsdalshéraðs | Sumarsýning 2023 - Fyrirbæri | 1.000.000 |
| Íris Birgisdóttir | Að breyta fjalli | 1.000.000 |
| Hallormsstaðskóli | Sjálfbærnieldhúsið | 1.000.000 |
| Hafdís Bára Óskarsdóttir | Vonarljós | 1.000.000 |
| Blábjörg | Framleiðsla á þurrkuðm þara, dælubúnaður og markaðsáætlun | 800.000 |
| Tækniminjasafn Austurlands | Viðskiptaáætlun | 750.000 |
| Breiðdalsbiti | Nýr grunnur - Heimaslátrunar- og fullvinnsluaðstaða | 750.000 |
| Herðubreið | Herðubíó | 750.000 |
| Dusan Mercak | Austfirskar ævintýraferðir | 750.000 |
| LungA-skólinn | Vöxtur á netinu | 750.000 |
| Orgelhúsið - félagasamtök | Orgelkrakkahátíðir | 750.000 |
| Kimi Emma Juliette Tayler | Brandarar og bendingar: gamanefni til að auka félagsvirkni | 700.000 |
| Teresa Maria Rivarola | Að búa til draumaheima okkar | 650.000 |
| Útgáfufélag Austurlands | Rafræn áskrift Austurgluggans | 600.000 |
| Bláa kirkjan | Sumartónleikaröð 2023 | 600.000 |
| Minjasafn Austurlands | Skapandi arfleifð | 600.000 |
| Menningarmiðstöð Fljótsdalshéraðs | Jazztónleikaröð í Sláturhúsinu | 600.000 |
| Torvald Gjerde | Tónlistarstundir 2023 | 600.000 |
| Monika Frycova | Kiosk 108 | 600.000 |
| Sköpunarmiðstöðin | Vefefni fyrir Atomic Analog | 500.000 |
| Arctic Fun | Kajak- og hjólaferðir á Djúpavogi | 500.000 |
| Helga Eyjólfsdóttir | Mosa Páls, prentaðir minjagripir | 500.000 |
| Sinfóníuhljómsveit Austurlands | Starf sveitarinnar 2023 | 500.000 |
| Gunnarsstofnun | Rithöfundalestin 2023 | 400.000 |
| Félag ljóðaunnenda á Austurlandi | Útgáfa ljóðabóka 2023 | 400.000 |
| Antonía Bergþórsdóttir | Marmaraáhrif jöklaleirs | 400.000 |
| Björg Þorvaldsdóttir | Stafabjörg - smáforrit til að æfa hljóð íslensku bókstafanna | 350.000 |
| Halla Eiríksdóttir | Hönnun fyrir verslunar- og veitingahúsnæði á Hákonarstöðum | 300.000 |
| Þórhalla Sigmundsdóttir | Markakippa | 300.000 |
| Jón Haraldsson | Safn um sögu landpósta á Vopnafirði | 300.000 |
| Apolline Alice Penelope Barra | Fiskisúpa - ljósmyndasósa | 300.000 |
| Ferðaþjónustan Síreksstöðum | Hönnun vörumerkis, uppfærsla á heimasíðu og markaðsáætlun | 300.000 |
| Sveinn Kristján Ingimarsson | Sumartónleikar Djúpavogskirkju | 300.000 |
| Menningarmiðstöð Fljótsdalshéraðs | Ljósmyndasýning Jessicu Auer | 300.000 |
