Ráðherra og vegamálastjóri á ferð um Austfirði

ogmundur_jonasson_stebbi_thorleifs_undirskriftir_ngong.jpg
Ögmundur Jónasson, innanríkisráðherra og Hreinn Haraldsson, vegamálastjóri, sátu þrjá fundi um samgöngumál á Austurlandi í síðustu viku.

Í frétt af vef ráðuneytisins  segir að Ögmundur fundað með samgöngunefnd Sambands sveitarfélaga á Austurlandi þar sem því hafi verið fagnað að byrja eigi á Norðfjarðargöngum á næsta ári. Nefndarmenn hafi bent á að nauðsynlegt væri að byrja rannsóknir fyrir Fjarðarheiðar-, Lónsheiðar- og Vopnafjarðargöng. 

Heilsársvegur yfir Öxi er það sem nefndin áleit „brýnasta verkefnið í vegagerð á Austurlandi.“ Farið var yfir flugmál, Egilsstaðavöllur verði stækkaður til að geta tekið á móti millilandaflugi, áætlunarflug til Vopnafjarðar verði áfram tryggt, Norðfjarðarvöllur malbikaður og Reykjavíkurflugvöllur fari ekki neitt.

Ráðherrann og föruneyti fundaði einnig sérstaklega með sveitarstjórnarmönnum á Seyðisfirði og Djúpavogi. Seyðfirðingar lögðu áherslu á Fjarðarheiðargöng sem myndu efla tengingu þeirra við nágrannana, styrkja íbúaþróun og bæta ferðaþjónustu í tenglsum við siglingar Norrænu. Á Djúpavogi voru ítrekaðar óskir um Axarveg.

Austfirskir sveitarstjórnarmenn koma saman um næstu helgi á fundi SSA á Borgarfirði. Samgöngumál fjórðungsins verða þar rædd. Norðfjarðargöng virðast vera komin á dagskrá strax á næsta ári. Við gæti tekið baráttan um hver verði næsta stóra vegaframkvæmd í fjórðungnum. 

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.