Rafmagnsstaur brotinn við Hvanná
Straumlaust er fyrir innan bæinn Hvanná á Jökuldal eftir að staur í raflínu brotnaði þar í óveðrinu í dag. Unnið er að viðgerð í Breiðdal þar sem brak fauk í spenni.Rafmagnslaust varð á öllum Jökuldal um klukkan sex í kvöld þegar staurinn gaf sig. Um klukkan hálf átta í kvöld náðist að tengja það sem til þurfti þannig hægt væri að hleypa rafmagni á utanverðan dalinn.
Viðgerðarflokkur Rarik er á staðnum en væntanlega þarf að skipta um staur til að koma rafmagn á aftur. Þegar aðstæður hafa verið metnar betur verður á vef Rarik gefið út hve langan tíma áætlað er að viðgerð taki.
Rafmagnslaust hefur verið í sunnanverðum Breiðdal innan við Ásunnarstaði frá því um klukkan fimm í dag. Járnplata fauk þar í spenni. Veður hamlar þar viðgerð en freista á þess að ná plötunni niður.
Af Jökuldal. Mynd úr safni.