Rafmagnslaust á öllu Austurlandi
Rafmagn fór af svæðinu frá Vopnafirði til Hafnar í Hornafirði rétt upp úr klukkan tíu í morgun.Útleysing varð á Fljótsdalslínu sem liggur frá Fljótsdalsstöð yfir Hallormsstaðarháls í tengivirki í Hryggstekk í Skriðdal. Reynt hefur verið að setja línuna inn aftur en ekki tekist samkvæmt upplýsingum frá Landsneti.
Enn hefur bætt í vind á Austurlandi. Hviða upp á 49 m/s hefur mælst í Hamarsfirði. Þá mældist 38,5 m/s meðalvindhraði á Vatnsskarði á tíunda tímanum.
