Opnað fyrir umsóknir í jólasjóð Vopnafjarðar
Búið er að opna fyrir umsóknir í Velferðarsjóð Vopnfirðinga fyrir jólaaðstoð í ár.Greint er frá þessu á vefsíðu sveitarfélagsins. Þar segir að sjóðurinn úthluti fjárhagsaðstoð til þeirra sem á þurfa að halda fyrir jólahátíðina og hafa lögheimli í Vopnafjarðarhreppi.
Sjóðurinn er styrktur af Kiwanisklúbbnum Öskju og Kvennfélaginu Lindin ásamt fyrirtækjum og einstaklingum á Vopnafirði.
Á vefsíðunni segir að sjóðurinn vill koma á framfæri kærum þökkum til allra sem styrkja hann. Úthlutað verður úr sjóðnum um miðjan desember.
Umsóknir og ábendingar um fjárhagsaðstoð berist til sóknarprests Vopnafjarðarkirkju eða til skrifstofufulltrúa Vopnarfjarðarhrepps.