Ólafur Valgeirsson jarðsunginn í dag

Ólafur Björgvin Valgeirsson, sundlaugarvörður í Selárdal verður jarðsunginn frá Vopnafjarðarkirkju í dag. Ólafur andaðist á heimili sínu 6. apríl síðastliðinn.

Ólafur fæddist á Akureyri 20. janúar 1955, ólst upp í Breiðdal áður en hann flutti um fermingu í Álftafjörð. Til Vopnafjarðar flutti Ólafur árið 1980 og bjó þar síðan.

Hann hóf störf til sjós en tók árið 1991 við starfi sundlaugarvarðar í Selárdal. Fyrir störf sín þar er hann kunnastur en þar starfaði hann til dánardags og tók vel á móti þeim sem sóttu laugina.

Ólafur sinnti sundlauginni á sumrin en starfaði líka lengi hjá Jónsveri, vinnustað fyrir fólk með skerta starfsgetu, á veturna.

Hann var afar virkur í félagsmálum Vopnfirðinga. Þannig var Ólafur meðal annars formaður Sjómannafélags Vopnafjarðar, formaður Sjálfsbjargar Vopnafirði og formaður Rauða krossdeildar Vopnafjarðar. Hann var formaður sóknarnefndar Vopnafjarðarkirkju og sat á kirkjuþingi. Þá var hann formaður Héraðsskjalasafns Austfirðinga.

Vegna útfarar Ólafs er skrifstofa Vopnafjarðarhrepps lokuð eftir hádegi í dag.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.