Minna fyrirtæki og stofnanir á að gæta áfram varúðar

Aðgerðastjórn almannavarnanefndar Austurlands hvetur starfsmenn fyrirtækja og stofnana að breyta ekki því skipulagi sem tekið hefur verið upp til að hindra útbreiðslu Covid-19 veirunnar.

Þetta kemur fram í tilkynningu dagsins frá aðgerðastjórninni. Áréttað er að enn sé hætta á að einstaklingar geti smitast og annað hvort smitað annað fólk eða orðið til þess að það þurfi í sóttkví. Þess vegna sé tveggja metra reglan enn í gildi.

Sérstaklega er vakin athygli starfsmanna fyrirtækja og stofnana á að gæta áfram varúðar og breyta ekki því skipulagi sem tekið hefur verið upp til að forðast smit fyrr en það hefur verið ráðlagt af sóttvarnayfirvöldum.

Tveir eru enn í sóttkví á Austurlandi vegna Covid-19 faraldursins. Enginn er í einangrun.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.