Mikilvægt að fólk haldi sig heima finni það fyrir einkennum
Aðgerðastjórn almannavarnanefndar Austurlands beinir því til Austfirðinga að halda sig heima finni þeir til veikinda, einkum einkenna Covid-19 veirunnar.Aðgerðin geta til dæmis verið kvef, hiti, hálssærindi, beinverkir, skert bragð- eða lyktarskin, niðurgangur og uppköst.
Er fólki ráðlagt að hafa samband við næstu heilsugæslu eða hringja í 1700, sameiginlegan vaktsíma fyrir allt landið, verði það vart við einkenni. Sé fólk í vafa sé betra að eiga samtalið en sleppa því.
Sem fyrr er einn einstaklingur í einangrun í fjórðungnum með virkt smit og annar í sóttkví.
„Gætum að okkur sem fyrr, tökum ekki áhættu á þessum óvissutímum þar sem enn ein smithrinan virðist hafa gert vart við sig og gerum þetta saman,“ segir í tilkynningunni.
