Ljúka hreinsun við Tækniminjasafnið í vikunni
Stefnt er að því að ljúka hreinsun við Tækniminjasafnið á Seyðisfirði í þessari viku. Þetta er eitt af verkefnum í skipulagi vikunnar hvað varðar hreinsun og bráðabirgðavarnir á Seyðisfirði.Þetta kemur fram á vefsíðu Múlaþings. Þar segir einnig að haldið verði áfram hreinsunarstarfi í Slippnum. Auk hreinsunar á götunum Botnahlíð, Múlavegur, Austurvegur Hafnargata ofl. Einnig verður brak hreinsað úr fjörum út að Hánefsstöðum að sunnan og Vestdalseyri að norðan.
Hvað bráðavarnir varðar verður unnið að hönnun og undirbúningi fyrir ræsi undir Hafnargötu og grjótvörn neðst í Breiðablikslæk. Aðrar bráðavarnir bíða færis en ekki er hægt vinna við þær sem stendur vegna bleytu.
Munahreinsun heldur áfram og á að ljúka við Framhús og Sandfell. Mögulega verður byrjað á munahreinsun í Tækniminjasafninu.