Leitað fram að miðnætti að skipverja
Þyrla Landhelgisgæslunnar og fimm kafarar eru meðal þeirra sem tekið hafa þátt í leit að skipverja sem talinn er hafa fallið fyrir borð af fiskiskipi á leið þess til Vopnafjarðar.Tilkynningu til lögreglu barst um klukkan tvö í dag eftir að skipið kom til hafnar. Leit hófst í kjölfarið og samkvæmt tilkynningu lögreglu er gert ráð fyrir að leita fram undir miðnætti.
Auk starfsmanna gæslunnar hafa félagar í björgunarsveitinni Vopna gengið fjörur auk þess sem skip sveitarinnar, Sveinbjörn Sveinsson, hefur verið á ferðinni. Gert er ráð fyrir að leit byrji aftur með morgninum.
