Lágt smithlutfall á Austurlandi
Ekkert nýtt covid-19 smit hefur greinst á Austurlandi undanfarinn sólarhring. Hlutfall smitaðra á Austurlandi er talsvert undir landsmeðaltali.Þetta kemur fram í tilkynningu frá aðgerðastjórn almannavarnanefndar Austurlands.
Eftir sem áður hafa alls átta smit greinst í fjórðungnum, þar af er fimm batnað en þrír eru enn í einangrun.
Hlutfall smitaðra af heildaríbúafjölda svæðisins er 0,1% samanborið við 0,5% á landsvísu.
Einn einstaklingur losnaði úr einangrun síðasta sólarhring. Í sóttkví á svæðinu eru 22.
„Aðgerðarstjórn er þakklát fyrir samhug og samstöðu íbúa um að virða reglur og undirstrikar mikilvægi þess áfram,“ segir í tilkynningunni.
