Klippikort á móttökustöðvum sorps
Múlaþing hefur kynnt breytt fyrirkomulag á móttökustöðvum sorps á Egilsstöðum og Djúpavogi frá og með deginum í dag, þar sem klippikort, eins og tíðkast hafa á Seyðisfirði, taka nú við af eldra fyrirkomulagi.Fjallað er um málið á vefsíðu Múlaþings. Þar segir að klippikortin, sem veita heimild til losunar á gjaldskyldum úrgangi, er hægt að nálgast á móttökustöðvum á Djúpavogi, Egilsstöðum og Seyðisfirði. Eitt klippikort verður skráð á hvert heimilisfang en nánari upplýsingar er að finna í bæklingi sem nálgast má á vefsíðunni.
Fyrirkomulag á Borgarfirði eystri verður óbreytt frá því sem hefur verið.
