Iceland Express áformar að fljúga frá Egilsstöðum til Kaupmannahafnar í sumar

flug_flugfelagislands_egsflugv.jpg
Lággjaldaflugfélagið Iceland Express áformar á að fljúga beint milli Egilsstaða og Kaupmannahafnar seinni partinn í sumar.
 
Heimir Már Pétursson, upplýsingafulltrúi fyrirtækisins, sagði í svari við fyrirspurn Agl.is í dag að meiningin sé að fljúga frá miðjum ágúst og mögulega fram í fyrstu viku september, einu sinni í viku. Fyrirkomulag flugsins verði formlega tilkynnt eftir helgi.

Leiðin var inni á leiðakerfi flugfélagsins sumarið 2007. Til stóð að halda því áfram sumarið 2008 en það reyndist ekki arðbært og var hætt við flugið á síðustu stundu.

Ferðaþjónustuaðilar á Austurlandi hafa haft mikinn áhuga á beinu millilandaflugi. Á vegum sveitarfélagsins Fljótsdalshéraðs hefur verið starfandi vinnuhópur til að kanna möguleikann á að nýta betur millilandaflugvöllinn á Egilsstöðum.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.