Íbúafundur um ofanflóðamál á Eskifirði
Veðurstofa Íslands og sveitarfélagið Fjarðabyggð standa fyrir íbúafundi vegna ofanflóðamála á Eskifirði í kvöld.Hluti bæjarins var rýmdur í desember eftir að sprungur komu fram í veginum upp í Oddsskarð. Þá féllu snjóflóð efst í fjallinu ofan bæjarins í vetur. Þau voru þó langt frá byggð.
Vöktun á svæðinu var strax stóraukin, meðal annars með nýjum mælitækjum. Á fundinum í kvöld fara fulltrúar Veðurstofunnar yfir stöðu vöktunar og sitja fyrir svörum.
Fundurinn verður í Eskifjarðarskóla og hefst klukkan 20:00.
