Hyggjast beina viðskiptum frá VÍS
Fréttir • This email address is being protected from spambots. You need JavaScript enabled to view it. • Fyrst birt 25. sep 2018 09:14 • Uppfært 25. sep 2018 09:15
Sveitarfélagið Fjarðabyggð mun ekki framlengja samninga sína við Vátryggingafélag Íslands í mótmælaskyni við ákvörðun fyrirtækisins að loka skrifstofu sinni á Reyðarfirði.
Þetta kemur fram í bókun frá fundi bæjarráðs í gær. VÍS tilkynnti í síðustu viku að þjónustuskrifstofum fyrirtækisins yrði fækkað í sex sem þýðir að skrifstofan á Reyðarfirði verður sameinuð þeirri á Egilsstöðum.
Í bókuninni er lokuninni mótmæt harðlega og bent á að VÍS hafi undanfarin ár dregið verulega úr þjónustu sinni í Fjarðabyggð og lokað útibúum þar. Frá 1. október verði ekkert þeirra eftir.
Þetta sé sérstakt í ljósi þess að Fjarðabyggð sé fjölmennasta sveitarfélagið á Austurlandi og að auki með allar sínar tryggingar hjá VÍS.
Samningar þar um eru lausir um næstu áramót og verða ekki framlengdir. Þess í stað hyggst sveitarfélagið horfa til þjónustu þeirra tryggingarfélaga sem starfi í sveitarfélaginu.
