Hnísur á ferð í Reyðarfirði
Tvær hnísur syntu í lygnum sjónum í Reyðarfirði þegar Austurfrétt átti þar leið um í dag.Veður var hið ágætasta í dag og sjórinn tiltölulega sléttur. Þegar Austurfrétt bar að garði var sá rauði litur, sem markað hefur fjörðinn síðustu daga vegna þörungablóma, frekar daufur.
Fuglar syntu um í leit að æti í kringum bryggjuna sem er fyrir neðan húsnæði Launafls í bænum.
Þar voru líka tvær hnísur á ferð sem fóru upp og niður í sjónum örfáa metra frá bryggjunni. Þær stefndu út fjörðinn og stungu sér svo í djúpið.