Heilsugæslunni í Neskaupstað lokað til að verja sjúkrahúsið

Breytingar hafa verið gerðar á opnunartíma heilsugæslustöðva á Austurlandi til að hindra útbreiðslu Covid-19 veirunnar. Sýni af þeim kunna að hafa sýkst af veirunni eru tekin á þremur stöðvum.

Þetta kemur fram í tilkynningu frá Heilbrigðisstofnun Austurlands (HSA). Áhersla stofnunarinnar er tvíþætt, annars vegar tryggja að vera í stakk búinn að takast á við útbreiðslu veirunnar, hins vegar verja þá sem eru viðkvæmastir fyrir.

Í byrjun mánaðarins var lokað fyrir allar gestakomur á hjúkrunarheimili og sjúkradeildina í Neskaupstað. Nú hefur verið hert á, heilsugæslan þar er lokuð frá og með deginum í dag til að verja sjúkrahúsið.

Almennri heilsugæsluþjónustu er sinnt á heilsugæslu og bráðaþjónustu af vaktlækni á stöðvum HSA. Þá er forgagnsröðuð sálfræði – og sjúkraþjálfunarþjónusta á Egilsstöðum og Fáskrúðsfirði.

Áður en komið er á stöð fer hins vegar fram símtal milli þess starfsmanns sem hitta á og viðkomandi skjólstæðings. Hjúkrunarfræðingar sinna símaráðgjöf og forgangsraða inn á heilsugæslurnar.

Sýnataka vegna Covid-19 fer fram á þremur stöðum: Egilsstöðum, Reyðarfirði og Vopnafirði.

Símar heilsugæslunnar verða opnir frá 8:15-15:45. Upplýsinga- og ráðgjafasími vegna Covid19 - er 470-3066. Númerið er opið frá 8:30-12:00 og 12:30-15:30.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.