Heilbrigðisráðherra: Ákvörðunin verður tekin fyrir austan

Image Guðbjartur Hannesson, heilbrigðisráðherra, segist tilbúin að skoða fyrirhugaða lokun Sundabúðar í samráði við forsvarsmenn Heilbrigðisstofnunar Austurlands. Þeir þurfi þó að taka loka ákvörðunina.

 

Þetta hefur Pressan eftir Guðbjarti í dag. Fyrr í vikunni var sagt frá því að hjón, sem búið hafi saman í sextíu ár, verði hugsanlega aðskilin þegar hjúkrunarheimilinu verði lokað í sparnaðarskyni.

„ Ég ætla að vona að það verði fundin lausn, en það er óvarlegt að gefa út hvar við leiðréttum eða hvernig fyrr en við sjáum heildardæmið,“ segir Guðbjartur.

Fimm manna hópur á hans vegum hefur undanfarna daga farið í kringum landið og hitt yfirmenn heilbrigðismála á hverju svæði. Hópurinn á síðan að skila af sér tillögum í næstu viku.

Guðbjartur segir niðurskurðinn á Vopnafirði fyrst og fremst á borði HSA en ráðuneytið sé tilbúið að skoða máli í samvinnu við stofnunina.

 „Það er auðvitað aldrei æskilegt og það á alls ekki að skilja sundur hjón með því að flytja fólk hreppaflutningum milli svæða. Þetta þarf að meta í hverju einasta tilfelli miðað við aðstæður á hverjum stað“

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.