Hækkanir á heitu vatni á Seyðisfirði
Önnur hækkun af tveimur á gjaldskrá jarðvarmaveitu RARIK á Seyðisfirði hækkaði um mánaðarmótin en hækkunin nemur 7,5 prósentum í heildina.
Seyðfirðingar fá heitt vatn frá fjarvarmaveitu RARIK og ný gjaldskrá stofnunarinnar tók gildi þann 1. desember rúmu ári eftir síðustu gjaldskrárhækkun í október í fyrra.
Þar með hækkaði heitavatnskostnaður Seyðfirðinga en þó aðeins að hluta því tekin var sú ákvörðun hjá RARIK að hækka kostnaðinn í tveimur skrefum til að milda áhrifin á viðskiptavini. Seinni hluti hækkunarinnar kemur fram á nýju ári.
HEF á Héraði hækkaði einnig gjaldskrá sína fyrir skömmu yfir línuna um 8 prósent en þess ber að geta að byggingarvísitala sem gjaldskrár taka mið af hefur einnig hækkað á árinu um 10 prósent.
